خجل حتى الوطن من شافنه بهل حال

خجل حتى الوطن من شافنه بهل حال
مثل والد عليل اتعاركو ولده



اشتفرق ينكتل قابيل لو هابيل
آدم بالنتيجه الينمرد چبده



وياجار اليحشمه ويدري بالجيران
تتأسف عليه وتشتغل ضده



اذا مايهده تهده وتفرح وترتاح
وماتهده دقيقه من الوضع يهده



باوع للدول والناس وصلت وين
وحنه بهل خلاف نجيبه ونرده




مسرحنه زهك ماشاف غير ادوار
مخطوف وشهيد ولازمه العده




ترضاهه اليتيم ايمر عليه العيد
ودموعه فواتح ناصبه بخده



گلي بياذنب كتلو ابوه وليش
كوم اعيال عده وكلشي ماعده



وگلي بيابخت جابوه بغير زنود
للجابت عمرهه مچلبه بزنده



جرحك مثل جرحي وبلوتك بلواي
وصوابك اصوابي اشلون ماشده



ناوشني المحبه وبوسة التجبير
خل نگطع نزيفه بلسم الوحده



الك هزني الحنين اودمعت العيون
وادري ابجفن عينك هم علي نده



اشگد مشتاگ امر للاعظميه اليوم
والنعمان ازوره ويمك اتغده



ونعبر عالجسر نتمشه ايد ابئيد
يم باب الحوائج غيضنه انهده
يم باب الحوائج غيضنه انهده

ياربي تحفظ العراق واهله