أحبـــــك والعشـــــك مو عيـــــب

أحبـــــك والعشـــــك مو عيـــــب

لو أحجي يكضني العيب
ولو أسكت جرح كلبي أبد ما يطيب
وحرت بين الجرح والعيب
وحرت خاف أظل ساكت وراسي يشيب
وعفت المستحه بصفحه
وكلت أحجي وأصيرن ذيب
كلي أحجي؟شريد أحجي؟
صار الحجي بعيوني دموع
كتله الكلب من شافك ولك مشلوع
أحبك واليصير يصير
والتحجيه الك مرجوع
أحبك واليحب مو عيب
عد الله العشك مشروع
صفن وتمعن بوجهي وكال..
حبك أنت من يا نوع؟
من نوع الجواه الضيم؟وأكل لحمه وعافه
بس ضلوع؟
أحبك مثل الكاع لمن تحضن المزروع
أحبك مثل حب الريم تتوازه ويه الموت
لو شافت أبنها يجوع
أحبك وأنت ظلمه بليل
وأنت التنورني وتصير شموع
وأنت التنورني وتصير شموع