يا سلاما يا عراق الأنبياء

يا سلاما يا عراق الأنبياء
يا سلامــــــا ياعراق الأنبــــــــيــــاء وياتحية شـــــــــــوك ممزوجة بألــــم



ياحســــــــــافة تصير مرتع للـذئــاب تعوي بسمك ليــــــش وتبوك الغـنــــم


كلها جــــــانت‎ ‎تهتف بروح ودمـــــاء ولفت اعمــــايمها من طاح الصـــنـــم



صار وكت البــوك فزعت تعتــنـــيك اتبـــــــــوك وتفرهد تعنت هالـــزلــم



البوك جائز بالخمس يصبح حـــــلال وماكو أي إشـــــكال لا مــــا بي إثــم



فوضى ماصارت مثــــلها بأي بــــلاد وما أظن تتكرر بنــــفس الفـــــــــــلم



هالبلد مليان أحــــزاب وفئــــــــــــات وكل حزب فوكــــه يرفرفله عــــــلم



كلها بسم الديــــن صاحت ياحســـــين وبالأصــــل هيه الرمت جبده بســهم



كلها بســــم الدين باكــــت ياعــــراق وماكو اســـــــــتثناء ما أفــرد إســــم



واندعت كلها تكول آنه الصـــحــــيح واتتعارك ليش كلها اعــــله الحـــــكم



الصحيح اويه الصحيح ايظل صحيح مسألة وضاعت أظن عل يفتــــــــهم



صير حر ابعقلك ولا لا تميــــــــــــل وشاهد امن ابعيـــــــــــد أحداث الفلم


إرجع وكللي اششـــفت وشلاحظــيت إبعقلك اتجــاوب وريـــــدك تلتــــزم



بالحقيقة اتصرح أبدا ًلا تخــــــــــاف وانه اعرفـك ياعـــــراقي انته شــهم
***