تشريب احمر عراقي

السلام عليكم
بسم الله راح نبدي نطبخ تشريب احمر

المقادير :
1 كيلو لحم غنم مع العظم مقطع
او دجاج
2 طماطم مقطعة مربعات متوسطة
ربع كوب حمص مسلوق (انا استخدم المعلب )
2-3 حبات نومي بصرة
4 -2راس بصل
5- 1 فلفل اخضر نصف بيذجان
1 ملعقة كبيرة بهارات مخلوطة (بزار )
1-2ملعقة كبيرة معجون الطماطم (صوص الطماطم)
ملعقة شاي فلفل اسود
رشة ملح
ماء
وخبز التنور العراقي (اذا مامتوفر خبز عربي )
سمنة او زبدة للقلي
الطريقة :
نضع الزبدة في قدر على النار ومن ثم نضيف لها اللحم المقطع ونضيف الملح والبهارات والفلف الاسود الى ان يتحمر . وبعدين نحمر البصل والفلفل الاخضر ونصف البيذنجانه وهاي حسب الرغبه بس اني اضيفها تنطي طعم مو طبيعي
يرفع مزيج اللحم من القدر .ونضيف الى القدر الحمص المسلوق ونحمره ومن ثم نضيف اللحم مرة اخرى
والطماطم اكو يحبوها مقطعه ويضعوها بس اني احب اخليها بالخلاط
والنومي بصرة (الليمون الجاف ) بعد ان يشق بالسكين من جميع الجهات ويمكنك استخدام كمية مطحونة منه (اسهل )
نذوب ملعقة معجون الطماطم بكمية من الماء الدافيء ونضيفها للخليط السابق ومرات بيبيتي تكول نحمس المعجون مع اللحم والبصل
ومن ثم نضيف كمية من الماء لتغمر الخليط (انت تقدريها ) ونتركه يتهدر على نار هادئة جدا
الى ان ينشف الماء ويهرس اللحم ولكن ليس كل الماء ينشف المفروض يبقى جزء منه لسكبه على الخبز المقطع بعدها تحضري اناء مسطح بعض الشيء او مجوف وتضعي به الخبز المقطع ومن ثم تضعي قطع اللحم وبعدها تسكبي الخليط الى ان يغمر جميع الخبز ويقدم الى جانب المخللات والبصل وياربي يعجبكم
تحياتي